DAEREKTA JENEROL

ADVETAESMEN BLONG VEKENSI INSAED LONG PABLIK SEVES

Vanuatu Pablik Sevis Komisen i wantem givimaot infomesen ia long pablik long saed blong advetaesmen blong Sinia Posisen daon ia insaed long Gavman. posisen ia i stap anda long kontrak:

Stetes : Advetaesmen
Position Title : Daerekta Jenerol
Ministri : Ministri blong Helt
Greid: 1.1
Level blong Wok : DG
Salari long wan Yia : VT 6,933,000
Ples: Port Vila

Tingting bihaen long posisen ia:

Ol mein wok blong Daerekta Jenerol hem i blong lukluk mo kodinetem ovarol manejmen mo implementesen blong ol mein program mo praeoriti blong Ministri. Hem i wan Administreta mo polisi advaesa long Minista. Ofis blong DG bae mekem sua se Ministri i ajivim gud ol stratejik objektiv blong hem mo blong akaontebol long PSK mo Gavman.

Kraeteria we oli wantem:

Kwalifikesen – Mastas Digri.

Spesel Bisnis Edukesen – Helt Administresen, Bisnis Administresen mo Manejmen, Loa, Ekonomik stadi o eni narafala semak fil.

Eksperiens – Wan Minimam blong 20 yia eksperiens o moa long wan Sinia lidasip o manejmen rol long Pablik o Praevet sekta institusen long saed blong Helt sekta.

Ol Teknikol Skil – Gat gud save long Helt sekta straeji mo save divelopem ol polisi long saed blong helt blong MOH i implementem olgeta.

Ol Jenerol Skil – Gat ol strong lidasip skil, komiunikesen mo sosol skil, manejmen mo oganaesesen skil, faenansol mo bajet manejmen skil, projek manejmen skil, save solvem problem mo analaesem samting, save mekem ol stekholda oli tekpat long ol aktiviti blong ministri, inovesen mo polisi divelopmen.

Ol Lidasip skil – Stratejik visen mo daereksen, mekem desisen mo tekem responsibiliti, proses manejmen, gat motivesen, wok folem risal, tim lidasip mo jenj manejmen.

Fasin blong Wok – Hem i hones mo i save wanem we i raet mo rong long saed blong wok, save wok tugeta wetem ol narawan mo wok insaed long wan tim, save adaptem hem mo wok long ol nomol haoa mo ol haoa aotsaed long taem blong wok, mekem desisen.

Lanwij – Bislama, French mo English.

Ofis blong Pablik Sevis Komisen bae i givim ful infomesen blong olgeta posisen ia, inkludim olgeta duti, risponsibiliti, mo huia nao bae hemi ripot i go long hem. Man mo woman i save aplae.

How to Apply

Ol aplikesen oli mas kam wetem wan Medikol setifiket we wan Dokta i saenem mo wan niu Polis Kliarens, mo oli mas adresem wanwan long ol kraeteria we oli wantem olsem we oli rifea long olgeta insaed long infomesen pakej. Yusum Job Aplikesen Fom (PSC FORM 3-2) blong aplae mo sendem i go long Human Risos Manejmen Yunit blong Ofis blong Pablik Seves Komisen, Telefon 33360, PMB 9017, Port Vila . Aplikesen i klos long 4 klok long aftanun long Tasde namba 14 Mei 2026.

Olgeta we oli shotlisitim olgeta nomo bambae oli letem olgeta i save long taem we bae oli kam long intaviu.

Go putum aplikesen long HRM Yunit, Ofis blong Pablik Seves Komisen o sendem tru long imel long: gshem@psc.gov.vu o wkalmatak@psc.gov.vu o bdavid@psc.gov.vu o mggaraesere@psc.gov.vu .