RI-ADVETAESMEN BLONG VEKENSI LONG PABLIK SEVES - DAEREKTA

RI-ADVETAESMEN BLONG VEKENSI LONG PABLIK SEVES

Vanuatu Pablik Seves Komisen i wantem infomem pablik long ri-advetaesmen blong ol sinia posisen long Gavman long ol kontrak besis.

Taetol blong posisen : Daerekta
Dipatmen : Osen mo Maritaem Afea
Level blong wok : DIR
Greid : 2.1
Salari long wan yia : 5,390,000 Vatu
Ples : Port Vila

Wok:
Lukluk long ol polisi, lejislesen, fremwok, planing, bajet, ripoting, ripresentesen, intenasenol komplaens, wei blong stretem problem mo pesenol manejmen blong Dipatmen blong Maritaem mo Osen Afea, mo Ea Spes isiu blong sapotem Daerekta Jenerol blong manejem ekstenol intres blong Vanuatu long Osen long saed blong ol isiu blong ea spes mo isiu blong nasenol baondri.

Seleksen Kraeteria:
Kwalifikesen – Mastas Digri.

Eria blong Ekspetis – Marin Saens O Intenasenol Loa O Loa blong Solwora O Intenasenol Diplomasi mo Rilesen O Pablik Rilesen O Manejmen mo Pablik Administresen O semak fil.

Eksperiens – Mas gat wan minimam blong 15-20 yia eksperiens long diplomasi Seves o Intenasenol Maritaem ejensi.

Ol Teknikol skil – Stratejik Planing mo Polisi Divelopmen

• Skil blong analaesem samting
• Faenansol mo Bajet Manejmen
• Projek Manejmen.

Ol Besik skil – Komiunikesen skil

• Manejmen mo oganaesesen skil
• Save stretem problem
• Involvem ol Stekholda long ol aktiviti blong ofis.

Ol Lidasip Skil – Stratejik Visen mo Daereksen, Tekem Desisen mo Akaontabiliti, Proses Manejmen, Deteminesen, tim lidasip mo Jenis Manejmen.

Fasin blong wok – Integriti mo gudfala fasin blong wok, Kolaboresen mo Tim Wok, Save adapt long ol wok evaeromen mo wok long eni taem nomata sipos hem i aotsaed long taem blong wok, Tekem desisen.

Langwis – French, English mo Bislama.

How to Apply

Go long Ofis blong Pablik Seves Ofis blong Pablik Sevis Komisen bae i givim ful infomesen blong posisen ia, inkludim olgeta diuti, risponsibiliti, mo huia nao bae hemi ripot i go long hem. Go long Ofis o sendem imel i go long gshem@psc.gov.vu o wkalmatak@psc.gov.vu o fmele@psc.gov.vu o mggaraesere@psc.gov.vu blong kasem infomesen ia. Man mo woman i save aplae.

Sendem aplikesen i kam wetem medikol setifiket we yu jes mekem nomo mo Polis Kliarens mo yusum Job Aplikesen Fom (PSC FOM 3.2) blong adresem wanwan long olgeta seleksen kraeteria. Sendem i kam long Human Risos Manejmen Yunit blong Ofis blong Pablik Sevis Komisen, Telefon Namba 33360, PMB 9017, Port Vila bifo 4:00pm long Wenesde namba 19 Ogis 2026 . Bambae olgeta we oli shotlisitim olgeta nomo oli letem olgeta i save long taem we bae oli kam long intaviu.

Olgeta we oli aplae oli mas sabmitim had kopi long HRM Yunit, Ofis blong Pablik Sevis Komisen o sendem aplikesen blong olgeta tru long imel i go long gshem@psc.gov.vu o wkalmatak@psc.gov.vu o fmele@psc.gov.vu o mggaraesere@psc.gov.vu .